Siglir tar il cuntegn
Inhalt

Exteriur Tirchia crititgescha UE

Il primminister tirc Ahmet Davutoglu ha crititgà las stentas da l'Uniun europeica per surmuntar la crisa da fugitivs.

Ahmet Davutoglu
Legenda: Ahmet Davutoglu appellescha a la conscienza da l'Europa. Keystone

L'UE contribueschia be ina «pitschna e ridicula part» a las mesiras per surmuntar la crisa globala da fugitivs, scriva il primminister en la «Frankfurter Allgemeine Zeitung».

Ses pajais haja prendì si passa 2 milliuns fugitivs da la Siria e da l’Irac. Cunquai haja la Tirchia stgaffì ina zona neutrala tranter il caos e l'Europa. En quest sectur haja Brüssel be sustegnì ses pajais cun ina pitschna contribuziun, uschia Davutoglu. Per Europa saja quai uras d’agir communablamain en connex cun il tema immigraziun.

Dispita pervi da quota da fugitivs

En l’UE datti il mument dispita pervi da la repartiziun dals fugitivs. L’emprova da la cumissiun da l’UE da reparter ils fugitivs sur ina quota lianta sin tut ils stadis commembers n’è fin uss betg gartegiada pervi da l’opposiziun da differents pajais.

RR novitads 7:00