Siglir tar il cuntegn
Inhalt

Exteriur Tirchia cloma ambassadur ad Ankara

La dispita previ da la demonstraziun pro-Erdogan a Cologna ha consequenzas. Il ministeri da l'exteriur tirc ha clamà il represchentant da l'ambassada tudestga ad Ankara da vegnir en il palast per in discurs.

Impressiun da la demonstraziun pro Erdogan a Cologna.
Legenda: Durant la demonstraziun pro Erdogan fissi stà planisà che Erdogan sa drizzi per video als demonstrants. Keystone

La regenza tirca aveva crititgà vehementamain ch'il president Recep Tayyip Erdogan n'aveva betg dastgà sa drizzar per video als demonstrants a Cologna. Il pledader da Erdogan ha numnà «inacceptabel» quest scumond e pretendì ina decleraziun.

Demonstraziun senza acts da violenza

Radund duas emnas suenter l'emprova da putsch en la Tirchia han radund 40'000 Tircs tudestgs demonstrà a Cologna ed exprimì lur sustegn per Erdogan. I ha er dà pliras cuntrademonstraziuns. Tut en tut èn las demonstraziuns restadas paschaivlas. La polizia ha tratg ina bilantscha positiva. Ella era preschenta cun 2'700 policists.

RR novitads 12:00