Siglir tar il cuntegn
Inhalt

Exteriur Theresa May sa cunvegn cun partida da coaliziun

La primministra britannica Theresa May è sa cunvegnida cun la partida nordirlandaisa «Democratic Unionist Party» (DUP) davart ina collavuraziun. May ha pers la maioritad absoluta a las elecziuns dals 8 da zercladur. Ils conservativs restan la pli ferma partida avant ils socialdemocrats da «Labour».

Represchentants da la partida DUP bandunan il sez da regenza a Londra.
Legenda: Represchentants da la partida DUP bandunan il sez da regenza a Londra. Keystone

Il contract saja suttascrit, ha ditg in pledader da May. Concret tar la cunvegna n'ha il pledader betg fatg indicaziuns.

La partida DUP ed ils conservativs haja savens las medemas opiniuns, ha accentuà May. Il contract saja fitg buns. Tuttina vegn la DUP savens crititgada perquai ch'ella è cunter la lètg d'omosexuals ed cunter la protecziun da clima.

Il program da regenza aveva May gia preschentà la mesemna passada e la regina aveva avert tradiziunalmain il parlament. Tar il program da regenza appartegnan per exempel otg projects per leschas nua che la sortida da la Gronda Britannia ord l’Uniun europeica vegn reglada.

RR novitads 14:00