Siglir tar il cuntegn
Inhalt

Exteriur Tgi ha surveglià tgi en l'anteriura DDR?

Anc adina pretendan blers abitants da l'anteriura DDR invista en lur actas da la Stasi. Nov vulan era blers da la generaziun pli giuvna savair dapli sur da la vita da confamigliars gia morts.

Archiv da la Stasi a Berlin, curuna cun bleras actas ed ina collavuratura mira tras quellas.
Legenda: Archiv da la Stasi a Berlin. Keystone

Dapi il 1990 han enturn 3,2 milliuns persunas pretendì invista en las actas da la Stasi da l'anteriura DDR. Fin la fin da november da quest onn hajan 46'300 persunas dumandà invista en las actas ed il 2016 haja dà en tut 48'600 dumondas.

A lunga vista tschessian questas cifras, ma bleras persunas ristgian pir ussa en la vegliadetgna da pensiun in sguard en il passà. La tema d'esser vegnì surveglià da vischins u amis durant il temp da la DDR saja anc adina gronda. Quai ha ditg Roland Jahn, l'incumbensà da la Germania per las actas da la Stasi, envers l'agentura da novitads DPA. Nov saja era che l'uschenumnada «generaziun da biadis» veglia savair dapli da la vita da con-famigliars morts.
La Stasi era en il medem mument servetsch d'infurmaziun e polizia secreta da la DDR.

RR novitads 10:00