Texas suenter «Harvey»: Duas explosiuns en fabrica da chemia

Uss è capità quai ch'è vegnì temà: En in implant da chemia amez la regiun inundada da Houston haja da duas explosiuns. Ils abitants han gia stuì vegnir evacuads. Enfin uss vegn stiman las autoritads, ch'il hurican «Harvey» haja chaschunà donns da passa 125 milliardas dollars., scrivan las agenturas.

La fabrica da chemia è inundada e smanatscha d'explodir.

Legenda da maletgs: Tut la fabrica sut 2 meters aua – quai n'avea spetgà nagin, scriva la firma Arkema sin sia pagina en la rait. Keystone

En ina fabrica da chemia inundada en il stadi federativ american Texas hai dà duas explosiuns. Quai ha communitgà il concern Arkema. Quel aveva gia avertì ch'i pudessi dar explosiuns, damai ch'il sistem da sfraidentar era crudà ora.

La fabrica era vegnida inundada pervi da l'orcan tropic Harvey. Ils avdants en il conturn da l'implant eran gia vegnids evacuads. Las autoritads na sajan dentant betg segiras, sche tut ils abitants èn er veramain partids. La fabrica da chemia sa chatta en ina zona rurala, nua ch’i dat chasas, abitadis, scolas ed auters indrizs publics.

Medias americanas rapporteschan da l'explosiun la notg

Harvey ha custà a 33 persunas la vita

Enfin uss èn almain 33 persunas moras tras las inundaziuns en il Texas e pliras 10’000 persunas han stuì bandunar lur chasas. En pliras parts dal Texas vala uss il stadi d’urgenza. Il vent è vegni in zic pli flaivels ma periclitescha uss era auters stadis sco Louisiana.

Donns da passa 125 milliardas dollars

Il hurican «Harvey» vegn probabel a custar a la regenza americana dapli ch’il hurican «Katrina» d’avant 12 onns. Da lez temp aveva la regenza duvrà 125 milliardas dollars per pudair reparar ils donns en la citad da New Orleans. Sco il guvernatur da Texas, Greg Abbott, ha ditg dovrian els probabel dapli daners. En vista a l'intschess pertutgà tranter auter cun la metropola Houston na bastian 125 milliardas dollars probablamain betg, ha ditg Abbott.

RR novitads 06:00