Siglir tar il cuntegn

Header

Navigaziun

charta cun center dal terratrembel avant Sumatra
Legenda: Il terratrembel e succedì 800 kilometers en il sidvest da Padang. Keystone/USGS (US Geological Survey)
cuntegn

Exteriur Terratrembels posteriurs avant l’Indonesia

Sin las inslas Mentawi avant l’Indonesia ha la terra danovamain stremblì suenter il ferm terratrembel da la mesemna. Danovamain n’haja quai però betg dà donns u unfrendas, communitgescha la protecziun da catastrofas da la regiun.

Il terratrembel da la mesemna aveva gì ina fermezza da 7,8. Las autoritads avevan proclamà in alarm da tsumani, las undas devastantas n’èn dentant betg vegnidas. Tar il terratrembel en la mar radund 800 kilometers avant la costa eran duas plattas sa spustadas horizontalmain.

Cura datti tsunamis?

Tsunamis datti sch’ina platta sfundra marcantamain. Quai era capità tar il terratrembel dals 26 da december 2004. L’epicenter era medemamain stà en il vest da Sumatra. Lura aveva quai dà undas da plirs meters autezza en l’Ozean indic. 230’000 persunas eran mortas.

RR novitads 08:00