Terratrembel Italia: Donns da 4 milliardas euros

Ils custs dal grev terratrembel en l’Italia muntan a radund 4 milliardas euros. Quai ha ditg il schef da la protecziun civila a Roma. Prioritad saja uss da guardar che las radund 2'500 persunas pertutgadas possian bandunar las tendas provisoricas tant pli spert.

plirs containers sin ina plazza

Legenda da maletgs: Er la scola d'Amatrice è vegnida destruida. Il mument datti containers sco stanzas da scola. Keystone

Il primminister Matteo Renzi ha empermess ch'ils vitgs vegnan reconstruids.

«  Nua ch'i eran, co els eran e, sche pussaivel, anc pli bel ch'avant »

Matteo Renzi
primminister talian

3'000 carstgauns hajan pers lur dachasa, da quests vivan anc radund 2'500 en tendas. Ils proxims dis duain els survegnir alloschis en hotels, dormitoris u en auters vitgs. Fin l’autra primavaira duain bungalows vegnir construids per dar in suttetg als pertutgads. Quai ha ditg il schef da la protecziun civila, Fabrizio Curcio.

Ils 24 d’avust ha in ferm terratrembel quasi devastà ils vitgs d'Amatrice, Accumoli ed Arquata del Tronto. 297 carstgauns èn morts.

RR novitads 14:00