Siglir tar il cuntegn
Inhalt

Exteriur Terratrembel en Papua Nova Guinea

En la Papua Nova Guinea hai dà in terratrembel. Davart donns e blessads na datti anc naginas indicaziuns uffizialas.

  • Il terratrembel a Papua Nova Guinea ha gì ina fermezza da 6,9.
  • L'alarm d'in tsunami ha il center d'alarm dal pacific puspè retratg.
  • Davart donns na san ins anc far naginas indicaziuns.

En ina fermezza da 6,9 hai en la Papua Nova Guinea stremblì la venderdi damaun. L’epicenter saja stà radund 145 kilometers en l’ost da la citad da Kimbe. Quai en ina profunditad da 35 kilometers. Quai rapporta il servetsch seismologic dals Stadis Unids.

L'alarm d'in Tsunami ha il center d'alarm dal pacific da l'ost puspè tratg enavos. Dentant hai dà plirs terratrembels posteriurs.

Naginas indicaziuns da donns

Davart donns n'han las autoritads anc betg pudì far indicaziuns. Dentant èn ils territoris che pudessan esser pertutgads en regiuns perifericas uschia che pudess cumenzar intgins dis enfin che las autoritads vegnan tar las infurmaziuns.

Territori activ

En il stadi insular eran pir la fin da favrer passa 120 persunas mortas tar in grev terratrembel.

Papua Nova Guinea

La Papua Nova Guinea è en il nord da l'Australia en ina zona tectonica ch'è fitg activa.

RR novitads 06:00