Terratrembel en il Pacific dal Sid

Davant la costa da la Papua Nova Guinea en il Pacific hai dà in grev terratrembel. Tenor il servetsch seismologic dals Stadis Unids USGS ha el gì ina fermezza da 7,9 sin la scala da Richter.

Il terratrembel è vegnì registrà circa 100 kilometers davant la costa da Papua Nova Guinea.

Legenda da maletgs: Il terratrembel è vegnì registrà circa 100 kilometers davant la costa da Papua Nova Guinea. SRF/Quake Feed/Screenshot

Las consequenzas n’èn anc betg cleras. Davart donns na datti anc naginas indicaziuns. Las autoritads localas avevan dà or in alarm da tsunami per l'entira regiun. Entant han las autoritads tratg enavos quest alarm.

Gia l'entschatta da december han plirs terratrembels squassà la gruppa d'inslas Salomonas ch'èn en vischinanza. Pli gronds donns n'hai betg dà.

RR novitads 14:00