La dretgira d'appellaziun ha refusà il recurs da la regenza americana. Quella aveva fatg recurs cunter la decisiun d'in derschader da Seattle che aveva decis da metter ord funcziun il decret da Trump che aveva scumandà a persunas da set pajais muslims d'entrar en ils Stadis Unids – era cun visums valaivels.
La dretgira da Seattle aveva decidì che quai na saja betg legitim. Il decret mettia nà tuttas persunas muslimas sco terrorists. Quai na saja betg legitm. Cunquai che la dretgira ha refusà il recurs da la regenza americana ha ella dà raschun a la dretgira da Seattle.
Dapi la sonda pon persunas dals set pajais pertutgads dal decret puspè entrar en ils Stadis Unids sch'els han in visum valaivel.
RR novitads 11:00
