Tensiuns creschan sin la peninsla araba

Suenter l'Arabia Saudita han er il Bahrain, ils Emirats Arabs Unids ed il Sudan decis d’interrumper las relaziuns diplomaticas cun l'Iran.

Ina persuna tegna ad aut in palpiri cun la fatscha dal spiritual Nimr Al-Nimr.

Legenda da maletgs: In demonstrant en il Bahrain mussa in palpiri cun la fatscha dal spiritual Nimr Al-Nimr. Keystone

La regenza haja dà 48 uras temp als diplomats iranais da bandunar il pajais, quai scriva l'agentura da novitads statala BNA sin twitter. Il reginavel da Bahrain vala sco stretg allià da l'Arabia Saudita, ses pajais vischin. Entant han era las regenzas dals Emirats Arabs Unids e dal Sudan decis da sistier las relaziuns diplomaticas cun l'Iran.

Avant curt aveva l’Arabia Saudita executà il spiritual schiit Nimr Al-Nimr. Sinaquai avevan cartents schiits protestà tranter auter en il Bahrain ed en l’Iran. Là avevi era dà protests violents. Sinaquai ha l’Arabia Saudita interrut las relaziuns diplomaticas cun l'Iran e retratg ses persunal da Teheran.

RR Novitads 15:00