Siglir tar il cuntegn
Inhalt

Exteriur Tema per coaliziun da regenza en Italia

Di Maio vul bainbaud chattar ina schliaziun.

Purtret da Di Maio en il parlament.
Legenda: Luigi Di Maio tema per la coaliziun. Keystone

Il vice-president Luigi Di Maio pretenda ch'ins chatta bainbaud ina cunvegna en la dispita da la refurma da giustia. Uschiglio smanatschia la coaliziun tranter il Moviment da 5 Stailas e la Lega da far naufragi, ha el ditg a la gasetta «Il Fatto Quotidiano». El vegnia a s'inscuntrar anc oz cun il president da la Lega, Giuseppe Conte ed il minister da l'intern Matteo Salvini, sco era il minister da giustia Alfonso Bonafede.

En detagl vai per termins da surannaziun tar numerus delicts, tranter auter e tar corrupziun. Il Moviment da 5 Stailas vul extender quella. Ella argumentescha ch'i dettia memia blers cas giuridics nua ch'i dettia mai ina decisiun. La Lega argumentescha ch'ils cas pudessan vegnir tratgs a la lunga per ils pertutgads.

RR novitads 12:00