Siglir tar il cuntegn

Exteriur Ted Cruz vegn da tegnair pitg in zic a Donald Trump

En ils Stadis Unids ha Ted Cruz pudì suandar a Donald Trump, e gudagnar las pre-elecziuns dals republicans en ils dus stadis da Kansas e Maine. Trump da sia vart va cun la plima en l’impurtant stadi da Louisiana ed en il Kentucky.

Il candidat republican Ted Cruz sa drizza a votants.
Legenda: Il candidat republican Ted Cruz sa drizza als votants a Wichita (Kansas). Reuters

Ted Cruz ha appellà als dus ulteriurs concurrents republicans Marco Rubio e John Kasich da sa retrair da la cursa. Ed era Donald Trump ha clamà si Rubio da dar si la cursa. Rubio che ha il sustegn da l’elita republicana ha fatg en tut ils 4 stadis nauschs resultats.

Sanders cunter Clinton 2:1

Tar ils democrats a Bernie Sanders cuntanschì victorias en ils stadis Kansas e Nebraska, Hillary Clinton a gudagnà a Louisiana. Uschia ha Clinton puspè success en in stadi cun in’auta cumpart da persunas nairas. Kansas da l’autra vart ha blers votants alvs che sustegnan plitost Sanders.

La cursa cuntinuescha

Las proximas pre-elecziuns dals democrats han lieu la dumengia en il stadi Maine. Il mardi lura fan ils republicans pre-elecziuns a Hawaii ed ad Idaho, ed omaduas partidas dumondan lur votants e votantas en ils stadis Michigan e Mississippi.

RR Novitads 06:00