Exteriur - Ted Cruz gudogna preelecziuns a Wyoming
En la cursa per la candidatura dal presidi american tar ils republicans ha Ted Cruz gudagnà la preelecziun a Wyoming. El ha segirà tut ils 14 delegads dal stadi. Cunquai sa reducescha l'avantatg da ses concurrent Donald Trump.
Il milliardari da New York n'ha strusch fatg stentas per il stadi rural. El crititgescha la procedura co che las vuschs dals delegads vegnan surdadas. Fin ussa ha Trump gudagnà 21 preelecziuns, Cruz be 10.
Tuttina munta l'avantatg da Trump be 196 delegads. Tar las preelecziuns restantas sto el uschia far bun 60% da tut las vuschs dals delegads per vegnir nominà automaticamain al di da la partida dals republicans il fanadur.
