Siglir tar il cuntegn
Inhalt

Exteriur Tar protestas en la strivla da Gaza èn passa 50 persunas mortas

Tar protestas en la strivla da Gaza cunter la nova ambassada americana a Jerusalem èn almain 50 persunas mortas e radund 2400 persunas blessadas. Quai communitgescha il ministeri da sanadad en la strivla da Gaza.

Trais dunnas che cuvieran cun faziels da chau palestinais e fim davostiers.
Legenda: Tar protestas en la strivla da Gaza èn passa 40 persunas mortas e pliras 100 persunas blessadas. Keystone

Cun passa 50 morts saja quai il di cun las pli bleras unfrendas mortalas dapi la fin da la guerra da Gaza il 2014. Tenor indicaziuns uffizialas sajan ultra da quai radund 2'400 persunas vegnidas blessadas, tranter quellas bleras da sajets dal militar. Gia cunter mezdi han blers palestinais envidà pneus, sco perditgas rapportan han plirs umens empruvà da tagliar tras la saiv dal cunfin.

Tenor indicaziun da l’armada èn radund 35'000 persunas sa participadas en 12 lieus a demonstraziuns al cunfin. Il ministeri da sanadad palestinais rinfatscha ad Israel da commetter ina mazzacra cunter demonstrants betg armads.

Sco motiv per l’escalaziun da las protestas è la midada da l’ambassada americana da la citad da Tel Aviv en la citad da Jerusalem. L'ambassada americana nova è vegnida averta uffizialmain il glindesdi suentermezdi.

RR novitads 17:00