Exteriur - Tants requirents d’asil sco suenter Segunda Guerra Mundiala
En ils 35 stadis commembers da l'OECD – l'Organisaziun per la collavuraziun economica ed il svilup en l'Europa – è l'immigraziun creschida l'onn passà per 4% sin 4,8 milliuns persunas. Quai èn radund 10% dapli che l'onn avant. Cunzunt il dumber da requirents d'asil dat en egl.
Pervi da la crisa da fugitivs en la Siria hai l’ultim onn dà tantas dumondas d’asil sco dapi la fin da la Segunda Guerra Mundiala. 1,65 milliuns persunas hajan dumandà asil, hai num en in rapport da l'OECD.
Bunamain 25% da las dumondas derivian da fugitivs da la Siria, suandà da persunas da l'Afganistan.
Ils blers fugitivs èn vegnids registrads en Germania. En relaziun cun il dumber da la populaziun ha però la Svezia prendì si ils pli blers requirents d'asil.
