Siglir tar il cuntegn
Inhalt

Exteriur Tantas persunas sco anc mai en fugia

Anc mai èn tantas persunas stadas en fugia pervi da crisas e conflicts sco il 2017.

Fugitivs dals Rohingya che chaminan in suenter l'auter.
Legenda: Anc mai eran tantas persunas en fugia sco l'onn passà. Keystone

Anc mai èn tantas persunas stadas en fugia sco l'onn passà. Sco quai che l'ovra d'agid per fugitivs da l'ONU, l'UNHCR, ha communitgà il mardi, han l'onn passà en l'entir mund 68,5 milliuns carstgauns stuì bandunar lur patria pervi da crisas u conflicts. Quai èn 3 milliuns dapli che l'onn avant.

85% dals fugitivs restan datiers da la patria

Tenor il schef dal UNHCR Filippo Grandi na constettia l'impressiun betg ch'ils pajais ritgs sajan pertutgads spezialmain dals moviments da fugia e migraziun. 85% da tut ils fugitivs hajan chattà in refugi datiers da lur patria. 60% da las persunas stgatschadas hajan chattà refugi en l'agen pajais, lunsch davent da la zona da conflict.

Dals fugitivs ch'èn scappads sur cunfin derivan tenor indicaziuns da l'UNHCR bunamain 70% da be tschintg pajais. Sch'i dess soluziuns per quests pajais, lura pudess tenor Grandi il dumber da fugitivs sa diminuir marcantamain. Tar ils pajais sa tracti da la Siria, l'Afganistan, il Sudan dal Sid, il Myanmar e la Somalia.

RR novitads 09:00