Igl è ina da las pli grondas insolvenzas en l'istorgia dal Giapun. Takata ha stuì clamar enavos radund 100 milliuns vehichels cun airbags defects. Almain 16 cas da mortoris datti en connex cun quests airbags. Cun il concern american Key Safety Systems haja l'interpresa giapunaisa chattà ina cunvegna da vender Takata per in pretsch da radund 1,6 milliardas francs.
Airbags manglus
Ils problems tecnics dals airbags da Takata eran gia dapi onns enconuschents. Cun influenza da chaud ed umiditad po l’aribag statgar memia ferm. Quai ha lura chaschunà sin l’entir mund in’unda cun clamar enavos quests airbags manglus. Il donn duai muntar a var 10 milliardas euro. En ils Stadis Unids da l’America èn vegnids clamads enavos var 70 milliuns airbags. Almain 16 persunas duain avair pers la vita pervi dals airbags manglus.
RR novitads 06:00