Siglir tar il cuntegn

Header

Navigaziun

Abitants sin las Filippinas gidan sez a rumir ils fastizs da la devastaziun dal taifun.
Legenda: Abitants sin las Filippinas gidan sez a rumir ils fastizs da la devastaziun dal taifun. Keystone
cuntegn

Exteriur Taifun porta destrucziun a Filippinas

Lingias d’electricitad destruidas, vias bloccadas, sgols annullads: Ferm vent ed intensiva plievgia han chaschunà gronds donns sin las Filippinas. Almain quatter persunas èn mortas.

Sin las Filippinas èn almain quatter persunas mortas pervi dal taifun «Nock-Ten». Tenor las autoritads èn dapli che 380’000 persunas vegnidas evacuadas en alloschis provisorics.

In bastiment ch'ha fatg naufragi a la riva a Mabini en consequenza dal taifun.
Legenda: In bastiment ch'ha fatg naufragi a la riva a Mabini en consequenza dal taifun. Keystone

Pervi da la ferma plievgia e vent da passa 200 km/h n’haja en blers lieus nagin’electricitad – impurtantas lingias sajan destruidas. Bleras chasas sajan vegnidas destruidas e vias sajan bloccadas pervi da bovas. Il taifun ha fruntà set giadas parts dal pajais tranter dumengia saira e glindesdi da mezdi e sa mova uss en direcziun da la chapitala Manila.

En media datti mintg’onn 20 taifuns sin las Filippinas. Il november 2013 eran mortas dapli che 6’000 persunas en consequenza dal taifun «Haiyan»

RR novitads 09:00