Siglir tar il cuntegn

Header

Navigaziun

via inundada, persunas portan in töf
Legenda: Adina puspè vegn il Vietnam tutgà da ferms taifuns, sin il maletg il 2014. Keystone
cuntegn

Exteriur Taifun mazza 11 persunas en il Vietnam

En il nord dal Vietnam èn almain 11 persunas mortas pervi dad inundaziuns suenter in taifun. Ulteriuras 8 persunas èn blessadas, ha communitgà il comité da l'agid d'urgenza dal Vietnam. Il taifun«Dianmu» haja donnegià bunamain 2'000 chasas e 11'000 hectaras champs da ris.

Era las autoritads giapunaisas averteschan dad in taifun. «Mindulle» è il novavel taifun da l'onn e las autoritads quintan cun undas autas e bovas. Tenor las prognosas duai el cuntanscher glindesdi suentermezdi la chapitala Tokio. Passa 400 sgols e 100 trens èn vegnids stritgads pervi da fermas plievgias e vents.

RR novitads 12:00