Siglir tar il cuntegn
cuntegn

Exteriur Swiss sgola vinavant en direcziun gudogn

La Swiss augmenta gudogn, svieuta ed insumma la rendita – ed è optimistica per quest onn.

aviun da la swiss
Legenda: La Swiss quinta cun in bun onn da fatschenta 2017. Keystone

La societad aviatica Swiss ha er fatg il terz quartal da l’onn dapli gudogn e svieuta. Il gudogn avant tschains e taxas (EBIT) è s’augmentà per 34% sin 260 milliuns francs. La svieuta è s’augmentada per 5% sin 1,36 milliardas francs, cumpareglià cun la medema perioda da l'onn passà. Tenor la Swiss sajan las raschuns per quest svilup las mesiras da spargn, ed il gudogn d'efficienza tras la modernisaziun da la flotta.

Cunquai che la conjunctura sa sviluppeschia da moda solida, quinta la Swiss – ina feglia da la Lufthansa – che las fatschentas continueschian positivamain fin la fin da l'onn. Per il resultat annual quintani era cun megliers resultats che l'onn passà. Quai malgrà ch'il quart quartal è per ordinari pli flaivel.

RR novitads 09:00