Siglir tar il cuntegn

Header

Navigaziun

logo da la FIFA
Legenda: Il vent per ils funcziunaris da la FIFA vegn pli e pli aspers. Keystone
cuntegn

Exteriur Svizra extradescha funcziunari da la FIFA

L'Uffizi federal da giustia ha approvà d'extradir in ulteriur funcziunari da la FIFA en ils Stadis Unids da l'America. I sa tracta dal brit Costas Takkas.

Costas Takkas è il secretari general da la federaziun da ballapè da las inslas da Cayman, e plinavant attasché da la federaziun da ballapè da l'America dal nord e l'America centrala.

La renfatscha: corrupziun

A Takkas vegn renfatschà d'avair acceptà daners da corrupziun per las fatschentas enturn ils dretgs da commerzialisaziun da gieus da qualificaziun per campiunadis mundials 2018 e 2022 en il Katar ed en la Russia.

La fin da matg era Takkas vegnì arrestà a Turitg ensemen cun 6 ulteriurs funcziunaris da la FIFA ed era vegnì en arrest d'extradiziun. Il camond d'arrest sa basava sin ina dumonda d'extradiziun dals Stadis Unids.

Aifer ils proxims 30 dis po Takkas anc inoltrar recurs cunter la decisiun da l'Uffizi federal da giustia; quai tar il tribunal penal federal.

RR novitads 15:00