Exteriur - Svizra dat raps per chastiar crims da guerra en Siria
La Svizra vul sustegnair finanzialmain in nov proceder da l'Organisaziun da las Naziuns Unidas ONU per examinar regularmain la situaziun dals dretgs umans en la Siria.
Quai ha il cusseglier federal Didier Burkhalter annunzià al cumenzament da la sessiun dal Cussegl dals dretgs umans da l'ONU a Genevra.
Il nov mecanissem prevesa da crear dossiers penals per ils pirs crims da guerra commess en la Siria. Tenor Burkhalter vai per evitar che crims da guerra na vegnan betg chastiads.
