En Svezia vul la regenza promover la derasaziun da gasettas ed autras medias localas cun daners d'impostas. Ella ha perquai preschentà al parlament ina proposta per novas subvensziuns.
Intgins lieus sajan oz in punct alv sin la charta mediala, hai num en quella. En quels lieus na dettia quai pli naginas redacziuns da gasettas quotidianas ubain emetturs da radio locals.En futur duain redacziuns là pudair pretender subvenziuns dal stadi.
La pressa svedaisa vegn gia subvenziunada dapi ils onns 70 dal stadi. Da nov duain er profitar las medias digitalas, podcasts ed emetturs da televisiun online. Plinavant vegnan las subvenziuns da fin quà augmentadas.
RR novitads 21:00