Siglir tar il cuntegn

Header

Navigaziun

Ina dunna discurra avant glieud da las medias.
Legenda: La Svezia annunzia da puspè investigar envers Julian Assange. Keystone
cuntegn

Suspect sin violaziun Giustia svedaisa sa fatschenta puspè cun Assange

I saja anc adina probabel che Julian Assange saja culpabel d’avair violà dunnas, ha ditg la procura publica svedaisa a Stockholm. Suenter che Assange è en arrest a Londra, saja uss pussaivel da pretender ch’el vegnia surdà a la Svezia.

L’entschatta matg aveva la polizia englaisa arrestà Julian Assange en l’ambassada da l’Ecuador. Là aveva l’um da 47 onns passentà ils davos set onns, damai che la Svezia aveva dumandà la Gronda Britannia d’extrader el.

Il 2010 avevan duas dunnas en la Svezia denunzià Assange pervi da violaziun e mulesta sexuala. Questas renfatschas ha el adina snegà. Autras renfatschas èn entant surannadas.

Americans vulan era Assange

Dasper la Svezia vulan era ils Stadis Unids survegnir Julian Assange, pervi da conspiraziun ensemen cun la whistleblower Chelsea Manning. Quella aveva surdà il 2010 a Wikileaks tschientmillis da documents militars secrets. Quels pertutgavan acziuns militaras dals Americans en l’Irac ed en l’Afganistan.

RR novitads 12:00