Siglir tar il cuntegn

Header

Navigaziun

Angela Merkel cun in matg fluras.
Legenda: Survegn Angela Merkel bainprest dapli ch’in matg fluras? Reuters
cuntegn

Exteriur Survegn Angela Merkel il Premi Nobel da la pasch 2015?

Venderdi a las 11 vegn il premi da la pasch surdà dal comité dal premi Nobel ad Oslo. Ina da las persunas che vala sco favurita è la chanceliera Angela Merkel. Adina puspè s’engascha la politicra a favur da la pasch. Mo è ella ina candidata adattada?

Las decisiuns dal comité dal Premi Nobel da la pasch restan enfin la communicaziun top secret. Ins sa pauc da las persunas che vegnan en dumonda per il premi. Tuttina datti experts che speculeschan davart favurits.

Ed ina da quellas favuritas è Angela Merkel. Ella duess vegnir undrada per ses agir politic el conflict da l’Ucraina e sia reacziun sin la crisa da fugitivs. I dat dentant anc auters candidats. In è il cussegl federal Didier Burkhalter. El è vegnì nominà d’in pèr parlamentaris che vulessan onurar el per ses engaschi cun la OECD en il conflict da l’Ucraina.