Siglir tar il cuntegn

Header

cuntegn

Suenter incenti da Moria Germania vul prender si var 2'700 fugitivs

La Germania vul prender si ulteriurs fugitivs da la Grezia. En tut veglian ins prender si radund 2’700 persunas che sajan fugidas sin inslas greccas. Quai ha communitgà la Regenza tudestga. 500 da quellas sajan gia arrivadas en Germania.

Suenter l’incendi en il champ da fugitivs Moria aveva la Germania ditg da vulair prender si 150 giuvenils. En in proxim pass duain lura ulteriuras persunas vegnir en Germania, sch’i dettia cunvegnas cun auters stadis europeics en quest senn.

Per las partidas d'opposiziun, la partida Verda e la partida sanestra, èn quellas decisiuns dentant anc memia pauc. La Germania haja dapli capacitads che 1'500 persunas. In pajais uschè ritg sco la Germania stoppia prestar dapli.

Discussiuns en Svizra

La Svizra ha decidì l'emna passada da prender si 20 uffants e giuvenils or dal champ Moria. Dapli prioritad haja l'agid al lieu. En Grischun è il Cusseglier guvernativ Peter Peyer (PS) da l'avis, ch'ins stoppia prender si dapli glieud. Il Grischun haja capacitads per var 100 persunas.

audio
Peyer vul prender si dapli fugitivs che la Confederaziun
ord Actualitad dals 12.09.2020. Maletg: RTR
laschar ir. Durada: 3 minutas 42 Secundas.

RTR novitads 06:00

Artitgels legids il pli savens