Siglir tar il cuntegn

Header

cuntegn

Suenter 18 mais L'Ollanda schlia regla da distanza

L'Ollanda fa in emprim precaut pass en la normalitad. En l'Ollanda vegn annullada sonda la regla da distanza dad in meter e mez en ustarias ed interpresas. Quai suenter bun 18 mais. Ins possia dentant anc betg festivar in «Vrijheidsdag» (di da libertad).

Pass da corona remplazza distanza

Enstagl da la regla da distanza entra per immediat en vigur il pass da corona. Vul dir; mintga persunas sur 13 onns sto cumprovar ch'ella è virolada, guarida u testada sch'ella vul visitar ina ustaria u occurrenzas da sport e cultura. Quest obligatori è però fitg dispitaivel. Gastronoms en pliras citads han gia annunzià da betg far controllas. Tenor ina retschertga n'è la controlla da giasts betg l'incumensa d'ustieras ed ustier. Ultra da quai teman fatschentas agressiuns e smanatschas.

En l'Ollanda èn tenor las autoritads entant vaccinadas 82% da las persunas creschidas. Per cumparegliar; en Svizra èn quai bun 55%.

Ord l'archiv


Il 2020 era in onn in zichel spezial: corona, corona corona... Per adina pudair distanza è vegnì empruvà da chattar ina soluziun cun in apparat da distanza. Quel dovra l'Ollanda uss betg pli!

video
L'apparat da distanza
Or da RTR Social dals 25.07.2020.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga