En il Sudan dal Sid èn ils uffants quasi daventads la fatscha da la catastrofa. Radund 62 pertschient dals fugitivs sajan uffants u giuvenils minorens. Radund la mesadad da quels sajan fugitivs aifer il pajais, l'autra mesadad haja tschertgà refugi en ils pajais vischins.
Nagina autra crisa da fugitivs inquietescha mai il mument pli fitg che quella en il Sudan dal Sid.
La guerra civila ha cumenzà l'onn 2013 pervi d'in cumbat da pussanza tranter il president Salva Kiir e ses anteriur represchentant Riek Machar. Dapi lura èn dieschmillis persunas daventadas unfrendas dal conflict. Passa 3,5 milliuns èn fugidas da la violenza. En il Sudan dal Sid èn radund 5,5 milliuns persunas dependentas d'agid alimentar.
RR novitads 8:00