En l'Austria è il minister da l'exteriur d'enfin uss Alexander Schallenberg nov chancelier. Il president austriac Alexander Van der Bellen ha saramentà il giurist e diplomat da 52 onns. Schallenberg surpiglia uschia l'uffizi dal schef da regenza. La sonda passada era Sebastian Kurz sa retratg suenter che inquisiziuns da corrupziun eran vegnidas enconuschentas. Nov minister da l'exteriur è il diplomat Michael Linhart ch'è ambassadur a Paris.
Sebastian Kurz renviescha las renfatschas da corrupziun envers sia persuna. El resta parsura da la partida ÖVP e vegn en l'avegnir a manar la fracziun conservativa en il parlament.
