Strasbourg: millis da Curds demonstreschan puspè

Ina giada l'onn vegn demonstrà cunter l'arrestaziun dal schef da la partida curda scumandada PKK, Abdullah Öcalan.

Demonstraziun a Strasburg - ils Curds protestan dapi il 1999 cunter l'arrestaziun da Abdullah Öcalan

Legenda da maletgs: Dapi il 1999 protestan ils Curds a Strasburg cunter l'arrestaziun da Öcalan Keystone

Tenor la polizia èn las mesiras da segirezza stadas pli severas che uschiglio. Quai pervi da las tensiuns tranter tircs e curds. Ils demonstrants pretendan in engaschi da l'Europa per proteger ils dretgs umans dals Curds en la Tirchia.

En pli vulan els la liberaziun dal schef da la PKK Abdullah Öcalan. Ils Curds vegnan ensemen mintg'onn a Strasbourg per regurdar da l'arrestaziun da Öcalan ch'è en praschun sin in'insla tirca dapi il 1999.

RR novitads 14:00