Siglir tar il cuntegn

Header

cuntegn

Exteriur Stop da visa tranter Tirchia e Stadis Unids

Ils Stadis Unids da l’America e la Tirchia restrenschan lur concessiuns da visa. Il stop da visa vicendaivel engrevgiescha uschia anc pli fitg la relaziun tendida tranter ils dus pajais.

Suenter che l'ambassada americana ad Ancara ha decidì da restrenscher d'elavurar dumondas da visa ha er reagì la Tirchia cun ina sumeglianta decisiun. Il motiv per la dispita è probabel l'arrestaziun d'in Tirc che lavura ad Istanbul en il consulat american. L'um è accusà pervi da spiunascha e d'avair empruvà la revoluziun.

Relaziuns engrevgiadas

Il stop da visa vicendaivel engrevgiescha uschia anc pli fitg la relaziun tendida tranter ils dus pajais. Il minister da l'exteriur Mevlut Cavusoglu ha perquai tenor rapports da medias da la Tirchia gia la sonda discurrì cun ses collega dals Stadis Unids Rex Tillerson. Il president da la Tirchia, Recep Tayyip Erdogan, aveva la fin da settember mess en vista il barat dal spiritual Andrew Brunson cunter Fethullah Gülen.

Dasperas pretenda la Germania da la Tirchia la liberaziun da Deniz Yücel e dad autras persunas arrestadas da la Germania.

RR novitads 09:00

Artitgels legids il pli savens