Il nov elegì president american Donald Trump ha nominà Stephen Mnuchin, in anteriur manager da la banca d'investiziun Goldman Sachs, sco nov minister da finanzas. Mnuchin era gia il schef da finanzas da la campagna electorala da Trump.
Era il post da minister da commerzi è occupà
Per il post da minister da commerzi ha Trump previs il milliardari ed investider Wilbur Ross. Quai ha il nov president ditg en in’intervista a l’emettur da televisiun CNBC. Ross ha rimnà experientscha en la politica a New York, nua ch’el ha lavurà sco cussegliader da l’anteriur burgamester da la citad Rudy Giuliani.
Adia, vita da fatschenta
Trump ha era fatg a savair ch'el sa retiria da la vita da fatschenta. El veglia sa concentrar sin sia lavur sco president ed evitar conflicts d'interess. Detagls veglia el communitgar en dus emnas.
RR novitads 15:00