Siglir tar il cuntegn

Header

Fotografia da mobiglias d'iert ruttas en l'aua.
Legenda: Ciclon «Debbie» ha donnegià chasas e storschì plantas. Keystone
cuntegn

Exteriur Stemprà «Debbie» ha cuntanschì l'Australia

A la costa en il nordost da l’Australia avevan gia il glindesdi plirs milli persunas stuì bandunar lur chasas: In ciclon ha cuntanschì la costa cun fin 270 kilometers per ura. Quai han communitgà las autoritads.

En l’Australia ha il ciclon «Debbie» cuntanschì la costa mardi a mezdi temp local. En la citad Airlie en il stadi federal Queensland ha il cilon destruì chasas e storschì plantas. Pli che 30'000 chasadas han negina forza elctrica.

Dapli che 5'500 persunas avevan già il glindesdi stuì bandunar lur chasas. La primministra da Queensland, Annastacia Palaszczuk, ha appellà a tut ils abitants dal stadi federal da betg bandunar lur chasas aifer las proximas 12 uras. Las autoritads han tramess 2000 gidanters en la regiun.

RR novitads 06.30

Artitgels legids il pli savens

Ir a sanester Ir a dretg