Siglir tar il cuntegn
cuntegn

Exteriur Stadis Unids smanatschan a la Venezuela

La Venezuela na duai betg crear ina nova constituziun. Cas cuntrari smanatschan ils Stadis Unids cun sancziuns economicas.

Il president da la Venezuela, Nicolas Maduro.
Legenda: Nicolas Maduro – il president da la Venezuela vul crear ina nova constituziun. Tenor l'opposiziun per rinforzar sia pussanza. Keystone

Quai ha annunzià il president american Donald Trump en ina communicaziun. La smanatscha è adressada al president da la Venezuela, Nicolas Maduro che vul convocar la fin dal mais ina radunanza constituziunala. Ils Stadis Unids na vegnian betg simplamain a guardar tiers sco la Venezuela giaja en decadenza, uschia Donald Trump vinavant.

Ina votaziun ch'il parlament ha fatg mussa dentant ch'ina gronda part da la populaziun na vul nagina constituziun nova. En il parlament ha l'opposiziun la maioritad. Per gievgia han ils adversaris da Maduro clamà ad ina chauma generala.

RR novitads 06:00