Stadis Unids: Sanders di gea tar Clinton

Bernie Sanders vul sustegnair il november Hillary Clinton en il cumbat per il presidi american. Quai ha ditg il rival intern dals democrats ad in emettur da televisiun.

Sanders sulet sin in palc stgir ch'el salida il public.

Legenda da maletgs: Il cumenzament da la fin: Bernie Sanders ha annunzià da vulair sustegnair sia rivala Hillary Clinton. Keystone

Igl è stà l'emprima giada che Sanders è s'exprimì uschia. El ha repetì ch’el saja pront da far tut per evitar ad in president Trump. Il senatur da Vermont aveva tegnì paroli ditg e lung a l'anteriura ministra da l'exteriur Clinton. Per sias posiziuns sanestras avev'el survegnì da bler consentiment.

Sanders n'è anc betg sortì uffizialmain dal cumbat pre-electoral, perquai ch'el vul mantegnair il squitsch tematic sin sia partida. En ses cumbat electoral n’ha el betg mo gudagnà dapli stadis che spetgà ma era procurà cun sia – en atgna dicziun - «revoluziun politica» tar blera glieud giuvna per grond entusiassem.

RR novitads 15:00