Siglir tar il cuntegn

Header

cuntegn

Exteriur Stadis dal Balcan frainan ils fugitivs

A Vienna han l'Austria e 9 pajais dal Balcan suttascrit ina cunvegna che prevesa in pachet da mesiras per reducir il dumber da fugitivs.

«Nus stuain uss reducis las massas da fugitivs, perquai che la dumonda dals fugitivs pudess esser ina dumonda da l’existenza da l’Uniun europeica», quai ha ditg la ministra dal intern da l’Austria Johanna Mikl-Leitner a la conferenza communabla cun ils nov stadis dal Balcan. Uss han ils pajais decis in pachet da mesiras, che prevesa da recepir vinavant persunas che basegnan protecziun. Ma persunas che han documents falsifitgads duajan vegnir refusadas.

Vinavant vulan ils pajais introducir standards minimals per registrar ils fugitivs per che las registraziuns da las persunas na stoppian betg vegnir fatgas en mintga singul pajais, ha ditg Mikl-Leitner. Era èsi vegni decis che la Macedonia vegnia sustegnida cun policists per segirar ils cunfins.

RR novitads 17:00

Artitgels legids il pli savens