En Siria muntia il territori reconquistà tranter 16 e 20%, ha ditg in pledader dal ministeri da defensiun american. Gia ier aveva l’incumbensà spezial dal president american per il SI ditg ch’ils cumbattants dal SI sajan en la defensiun.
La guerra vegnia era manada diplomaticamain, il SI haja pers grondas reservas d’ieli e da daners. Impurtant saja da far ina fin cun ils cumbats en Siria tranter la regenza e l’opposiziun moderada, ha ditg il pledader american.
RR novitads 06:00