Tenor l'allianza internaziunala Anti-SI ha la milissa da terror Stadi islamic pers enturn 40% en l'Irac e 20% en la Siria, e quai, entaifer 12 enfin 18 mais. L'incumbensà special per il cumbat cunter l'SI, Brett McGurk, è persvadì che quest svilup cuntinueschi.
Dapi il matg n'haja la milissa terroristica betg pli gudagnà territori. Ella saja en la defensiva. Quai ha confermà il colonel da l'armada Steve Warren via Twitter.
Il Stadi islamic aveva conquistà la stad 2014 grondas parts da la Siria e dal nord da l'Irac.
Truppas indigenas ed ina allianza internaziunala sut la direcziun dals Stadis Unids cumbattan l'SI en domadus pajais cun attatgas ord l'aria.
RR Novitads 7:00