En l'internat è vegnì publitgà in video che duai mussar l'execuziun dal schurnalist giapunais. La pagina d'observaziun “Site”, ha confermà l'autenticitad dal film.
Giapun è schoccà
Il Giapun ha reagì schoccà. Ins saja grittentà davart l'ulteriur act da terror, uschia la regenza a Tokio. Gia l'emna passada aveva la milissa da terror Stadi islamic executà in auter ostagi giapunais. Quai suenter ch'il Giapun aveva refusà il pajament da 200 milliuns dollars.
L'act dal Stadi islamic è barbaric
Il secretari general da l'ONU Ban Ki Moon ha condemnà la stgavazzada da l'ulteriur ostagi giapunais sco act barbaric. Ban ha appellà als extremists da laschar liber tut ils ulteriurs ostagis, quai senza tschentar cundiziuns.