Siglir tar il cuntegn

Exteriur «Stadi Islamic» declera d'avair instradà l'attentat en California

L'organisaziun terroristica «Stadi Islamic» ha declerà d'avair organisà l'attentat a San Bernardnion (California) cun 14 unfrendas. Quai pretenda in emittur da radio da l'organisaziun.

bajetg center regiunal san bernardino
Legenda: Tar il sajettim d'in um ed ina dunna en il center regiunal a San Bernardino (sper Los Angeles) èn mortas 14 persunas l'entschatta december. Keystone

2 fidaivels dal Stadi Islamic hajan avant intgins dis attatgà in center en la citad da San Bernardino en la California, rapporta l'emittur sin sia pagina d'internet.

Gia avant aveva la polizia federala dals Stadis Unids, il FBI, communitgà da valitar il sajettim a San Bernardino sco act da terrur. Ils 2 attentaders, in um ed ina dunna, hajan planisà l'attatga intensivamain.

RR novitads 12:00