Siglir tar il cuntegn

Header

cuntegn

Exteriur Stadi Islamic annunzia mort da pledader

La milissa terroristica Stadi Islamic ha sco i para pers in da ses gronds manaders. Abu Mohammed Al-Adnani saja vegnì mazzà en il nord da la Siria, uschia statti en ina communicaziun ch'è vegnida distribuida dal SI sur ils chanals usitads.

L’autenticitad na sa lascha dentant betg examinar independentamain. Medemamain n’è quai betg cler co Al-Adnani è mort.Tenor rebels sirians sa chattava el en la regiun enturn la citad Aleppo.

Al-Adnani valeva sco portavusch da la milissa ed è adina puspè stà d'udir en messadis da video, nua ch'el ha clamà ad attatgas.

Ils Stadis Unids avevan scrit ora sin el ina premia da 5 milliuns dollars.

RR novitads 06:00

Artitgels legids il pli savens