Stadi d'urgenza: Nagin triatlon Nizza - Côte d'Azur

En la Frantscha han ils organisaturs ditg giu il triatlon Nizza - Côte d'Azur per motivs da segirezza. L'eveniment cun radund 1'200 participantas e participants era planisà per l'emprim ed ils dus d'october. Quai communitgescha la federaziun franzosa da triatlon.

cursa da triatlon, massa sportists curran en la mar

Legenda da maletgs: Quest onn na vegn betg sanudà da cuminanza per il triatlon a Nizza. Keystone

En vista dal stadi d'urgenza en la Frantscha avessi duvrà ina gronda mobilisaziun da forzas da segirtad che vegnan dentant er duvrads en auters lieus, uschia l'organisaziun.

En la Frantscha vala anc adina il stadi d'urgenza pervi da las attatgas terroristicas a Paris. Avant dus mais era in um radicalisà charrà cun ses camiun a Nizza sin la promenada en la glieud. 86 persunas èn mortas.

RR novitads 22:00