Siglir tar il cuntegn

Header

Legenda: Da sanester: Christian Lindner (FDP), Olaf Scholz (SPD), Annalena Baerbock (Verds), Robert Habeck (Verds), Norbert Walter-Borjans (SPD), Saskia Esken (SPD) Keystone
cuntegn

SPD, Verds e FDP Partidas en Germania èn sa cunvegnidas

Suenter negoziar per emnas a la lunga èn las partidas tudestgas SPD, Verds ed FDP sa cunvegnidas sin in contract da la regenza. Las partidas han preschentà quel oz suentermezdi.

Tar la SPD e la FDP sto il contract vegnir approvà durant lur dis da partida, tar ils Verds decidan ils commembers da partida davart la participaziun a la proxima regenza tudestga. Previs è ch'il minister da finanzas en uffizi, Olaf Scholz da la SPD, daventa en las proximas emnas il nov chanzelier da la Germania. Tgi che survegn ils ulteriurs uffizis en la nova regenza n'è anc betg enconuschent.

Puncts centrals da la nova regenza

Las partidas conferman en in document cun messadis centrals ch'i vulan tranter auter:

  • Augmentar la paja minimala sin 12 euros. Quai fiss in'augment da paja per radund 10 milliuns persunas.
  • In dretg d'eleger gia davent da la vegliadetgna da 16 onns.
  • 3,5% dal product interiur brut duain vegnir investids en la perscrutaziun ed il svilup.
  • Il sustegn finanzial da basa per uffants vegn structurà da nov ed ils dretgs d'uffants duain vegnir fixads en la constituziun.
  • Legalisar il consum e la cumpra da cannabis.

Per cumbatter la pandemia da corona vul la regenza nova in stab da crisa ed in gremi supplementar d'experts. Tenor il sboz dal contract da coaliziun vul la regenza nova «reorganisar il management da la crisa». Cun il nov stab da crisa communabel da la regenza duai il cumbat vegnir coordinà meglier. Plinavant vul la Germania retrair fin il 2030 radund 80% da lur electricitad ord energia regenerabla. Fin uss era la finamira tar 65%.

audio
Per tadlar curt e cumpact
01:04 min, RTR Audio dals 24.11.2021.
laschar ir. Durada: 01:04 minutas.

RTR novitads 12:00

Artitgels legids il pli savens

Scrollar a sanestra Scrollar a dretga