Siglir tar il cuntegn

Header

cuntegn

Exteriur «SpaceX» transportescha l'emprima giada satellit en l'orbit

L’interpresa spaziala «SpaceX» ha per l’emprima giada transportà in satellit da l’armada dals Stadis Unids en l’orbit. Uschia ha l’interpresa dad Elon Musk, il fundatur da Tesla, rut il monopol da «Lockheed Martin» e «Boeing» sin quest champ.

La racheta dal tip «Falcon 9» è partida glindesdi davent dal Kennedy Space Center en Florida. Per tge ch'il satellit militar duai vegnir duvrà n'è betg cler.

SpaceX aveva il 2014 purtà plant cunter l’aviatica militara per abolir il contract da milliardas exclusiv cun Lockheed e Boeing. Il start da glindesdi è stà il 34avel en tut da l'interpresa e l'emprim da dapli che 20 ulteriurs sgols durant quest onn.

Fin mars aveva SpaceX l'emprima giada reutilisà ina racheta. Musk vul cuntanscher ch'ellas pon puspè vegnir duvradas entaifer 24 uras. Uschia pudessan ils custs vegnir sbassads tschient giadas.

RR novitads 18:00

Artitgels legids il pli savens