Siglir tar il cuntegn
cuntegn

Exteriur Sortan ils Stadis Unids da la cunvegna da clima?

Sin Twitter ha Donald Trump communitgà, ch'el vegnia a prender ils proxims dis ina decisiun davart la cunvegna da clima da Paris.

Il president american Donald Trump.
Legenda: Il president american Donald Trump vul communitgar ils proxims dis, sche l'USA sorta da la cunvegna da clima. Keystone

Tenor in rapport da medias en ils Stadis Unids vul il president american Donald Trump visar la cunvegna da clima da Paris. La decisiun vegnia el a prender proximamain. Scrivan las medias. La regenza americana ha dentant anc betg cumprovà la decisiun. Sco emprim ha il portal online Axios rapportà che Trump haja prendì ina decisiun fundamentala ma anc betg decis las modalitads da sortir da la cunvegna da clima da Paris. Il portal Axios sa referescha sin infurmaziuns dad insiders.

Via Twitter ha Trump lascha savair ch'el vegnia ils proxims dis a prender ina decisiun.

RR novitads 15:00