Siglir tar il cuntegn

Header

Navigaziun

Uffants e dunnas che spetgan sin aua.
Legenda: Grondas parts da la Somalia patescha da sitgira. Keystone
cuntegn

Exteriur Somalia: 69 morts pervia da colera

En Somalia èn mortas almain 69 persunas ils ultims dis, quai suenter che la colera è rutta ora.

I sa tractia surtut d'uffants e persunas veglias. Las unfrendas hajan vivì en il conturn da la citad Baidoa. Quai communitgeschan las autoritads. Ulteriuras 70 persunas vegnian anc adina tractadas en l'ospital da la citad Baidoa. I na dettia era betg avunda medicaments per gidar als pertutgads.

Er en ulteriuras regiuns da la Somalia pateschan millis da persunas da la colera dapi l'entschatta da l'onn.

La raschun che la malsogna è rutta ora è la mancanza d'aua. La colera è ina malsogna da diarrea e po manar a la mort sch'ella na vegn betg tractada.

Pir avant intgins dis ha la Somalia proclamà en las regiuns che pateschan da sitgira il stadi d'urgenza. Da la mancanza d'aua pateschan var 6,2 milliuns persunas. Organisaziun d'agid averteschan d'ina fomaz.

RR novitads 17:00