Siglir tar il cuntegn

Exteriur «Solar Impulse 2» va en curt puspè en l’aria

L'aviun «Solar Impulse 2» duai en curt cuntinuar cun ses sgol enturn il mund. L'aviun che va sulet cun l'energia dal sulegl bandunia Hawaii uschè spert che las relaziuns da l'aura lubeschian quai, ha ditg in pledader dal project.

Laviun solar durant ina da sias etappas enturn il mund.
Legenda: La ruta exacta da la proxima etappa da l'aviun solar n'è anc betg fixada. Keystone

In termin exact n'ha el però betg pudì numnar. Er la ruta da sgol per la proxima etappa n'è anc betg fixada. U che l'aviun sgola da Hawaii a Vancouver en il Canada u en ina da las citad americanas, San Francisco, Los Angeles u Phoenix. En mintga cas duai l'aviun silsuenter sgular vinavant a New York per lura traversar l'Atlantic.

Il «Solar Impulse 2» era sa tschentà il fanadur a Hawaii suenter in sgol da 118 uras dal Giapun. Pervi da la surstgaudada da las battarias e las reparaturas ha l'aviun stuì passentar l'enviern sin l'insla.

RR novitads 09:00