Siglir tar il cuntegn
Inhalt

Exteriur Socialdemocrats gudognan elecziuns en Grönlanda

Ils socialdemocrats han fatg la cursa tar las elecziuns parlamentarias en la Grönlanda.

Placats da cumbat vis ina paraid d'ina chasa.
Legenda: L'independenza vulan bunamain tut las partidas, mo betg tuttas medem svelt. Keystone

La coaliziun che regia per il mument en la Grönlanda, ils socialdemocrats, pon er suenter las elecziuns parlamentarias mantegnair la pussanza. Ella ha survegnì 27% da las vuschs.

Independenza ma cun temp

Sco prest tut las autras partidas, vulan er ils socialdemocrats sa metter en per l'independenza. Questa finamira spetgian els dentant betg da cuntanscher en ils proxims onns, mabain en ils proxims decennis. Ils aderents d'ina independenza svelta han cuntanschì 17% da las vuschs. Blers teman ch'i dettia problems finanzials, sch'ins s'isolescha memia svelt da la Grönlanda. Per il mument survegn il pajais 500 milliuns francs dal Danemarc.

Per il mument appartegn l'insla polara giganta cun mo 56'000 abitants al reginavel dal Danemarc, l'administraziun è dentant per gronda part en ils mauns da la Grönlanda. Ils Danais èn mo pli responsabels per la politica da l'exteriur e la politica da defensiun. Auter ch'il Danemarc fa la Grönlanda dapi il 1985 er betg pli part da l'Uniun europeica.

RR novitads 09:00