Siglir tar il cuntegn
Inhalt

Exteriur Smog en l'Italia dal Nord

Sitgira ed autas temperaturas: Ina cuverta da smog penda per il mument sur diversas citads da l'Italia dal Nord.

In um cun schurmetg da trer il flad sin in velo.
Legenda: Smog en diversas citads da l'Italia dal Nord. Keystone

La concentraziun da particlas finas en pliras citads en il nord da l’Italia èn memia autas. La raschun èn la setgira e la chalira. La mancanza da vent intensivescha anc il problem. La Planira dal Po saja uschia ina da las regiuns cun la pli auta polluziun da l’aria en l’entir’Europa. Quai han communitgà perscrutaders da l’institut CNR.

La mesemna è vegnida mesirada a Turin ina concentraziun da particlas finas da 114 micrograms. Quai è pli ch'il dubel da la limita che munta a 50 micrograms. Sco reacziun sin la polluziun datti scumonds da charrar en citads sco Turin e Milaun. Las autoritads da Turin averteschan la populaziun da restar a chasa e da serrar fanestras e portas.

RR novitads 14:00